4 lugar positibo sa toxic red tide

MANILA, Philippines- Positibo pa rin ang shellfish sa apat na lalawigan sa paralytic shellfish poison o toxic red tide na lampas sa regulatory limit, base sa Bureau of Fisheries and Aquatic Resources (BFAR) nitong Biyernes.

Sinabi ng BFAR sa abiso na hindi ligtas kainin ang mga shellfish na nakolekta mula sa sumusunod na katubigan:

• Dumanquillas Bay sa Zamboanga del Sur

• coastal waters ng Leyte sa Leyte

• Matarinao Bay sa Eastern Samar

• coastal waters ng Tungawan sa Zamboanga Sibugay Province

Subalit, sinabi ng bureau na ligtas kainin ang ibang uri ng seafood kabilang ang isda, pusit, alimango, at hipon na matatagpuan sa nasabing mga katubigan, hangga’t sariwa ang mga ito, nahugasang mabuti, at natanggalan ng mga lamang-loob.

Gayundin, inihayag ng BFAR na ligtas na ang coastal waters ng Daram Island sa Samar mula sa toxic red tide. RNT/SA