MANILA, Philippines- Nasa apat na Pilipino ang sugatan sa retaliatory airstrikes ng Iran sa Israel, ayon sa Philippine Embassy sa Tel Aviv.
Ayon sa ulat, isang Pilipino rin ang nagsabing sapul ang kanyang tahanan sa pag-atake, subalit ligtas sila at nananatili sa isang bomb shelter.
Anang Philippine embassy, umiiral ang high alert sa gitna ng kaguluhan sa rehiyon. Nitong Biyernes, inatake ng Israel ang Iran, sinabing nais itong pigilan ang Iran sa paggawa ng atomic weapons at paglalabas ng ballistic missile capabilities nito.
Gumanti naman ang Iran sa pamamagitan ng paglulunsad ng airstrikes nito sa Israel.
Sa isang liham sa United Nations, inilarawan ni Iranian Foreign Minister Abbas Araghchi ang pag-atake bilang “declaration of war” at “called on the Security Council to immediately address this issue,” base sa ministry. RNT/SA
