MANILA, Philippines – Arestado ang apat na Chinese at siyam na Pilipino sa ikinasang raid ng Criminal Investigation and Detection Group sa iligal na minahan ng ginto sa Barangay Bunawan Brooks, Agusan del Sur.
Ayon kay CIDG Director Brig. Gen. Romeo Macapaz, pinondohan ng mga dayuhan ang operasyon na walang kaukulang permit mula sa Mines and Geosciences Bureau.
Nasamsam ang tinatayang ₱8 milyon halaga ng gamit, kabilang ang sluice machines, excavators, at gold-bearing sand. Nahaharap ang mga suspek sa paglabag sa Philippine Mining Act at People’s Small-Scale Mining Act.
“This operation underscores our fight against environmental crimes and illegal mining,” ani Macapaz. Santi Celario
