MANILA, Philippines- Inihayag ng Philippine Atmospheric, Geophysical and Astronomical Services Administration (PAGASA) na 40 lugar, kabilang ang Pasay City, ang maaaring makaranas ng “dangerous” heat index ngayong Huwebes, May 16.
Inaasahang papalo ang heat index sa Dagupan City, Pangasinan; CBSUA-Pili, Camarines Sur; at Butuan City, Agusan Del Norte sa 46°C, habang nakaamba naman ang 45°C sa Bacnotan, La Union at Virac (Synop), Catanduanes.
Samantala, maaaring maramdaman sa Cuyo, Palawan; Roxas City, Capiz; Iloilo City, Iloilo; Dumangas, Iloilo; Catarman, Northern Samar; Guiuan, Eastern Samar; at Zamboanga City, Zamboanga Del Sur ang 44°C heat index.
Ayon pa sa PAGASA, posibleng masapul ang Sinait, Ilocos Sur; Laoag City, Ilocos Norte; MMSU, Batac, Ilocos Norte; Aparri, Cagayan; Iba, Zambales; Cubi Pt., Subic Bay Olongapo City; Sangley Point, Cavite; Ambulong, Tanauan Batangas; San Jose, Occidental Mindoro; Legazpi City, Albay; Masbate City, Masbate; Tacloban City, Leyte; Borongan, Eastern Samar; at Dipolog, Zamboanga Del Norte ng heat index na 44°C.
Maaari rin umanong makapagtala ng 42°C heat index sa Ninoy Aquino International Airport (NAIA) Pasay City, Metro Manila; Tuguegarao City, Cagayan; ISU Echague, Isabela; Baler (Radar), Aurora; Casiguran, Aurora; Alabat, Quezon; Coron, Palawan; Puerto Princesa City, Palawan; Aborlan, Palawan; Daet, Camarines Norte; Siquijor, Siquijor; Catbalogan, Samar; Davao City, Davao Del Sur; at Surigao City, Surigao Del Norte.
Samantala, naitala ng PAGASA ang pinakamataas na heat index nitong Miyerkules sa Butuan City, Agusan Del Norte sa 47°C. RNT/SA
