MANILA, Philippines – Plano ng Department of Agriculture (DA) na ibalik ang 40% na taripa sa imported na baboy at dalawang buwang import holiday upang bigyang-daan ang mga lokal na magbababoy na makarekober sa bumabagsak na farmgate prices.
“A two-month import holiday could temporarily reduce foreign supply and give local producers an opportunity to sell their hogs. Higher tariffs could also make imported pork more expensive,” sinabi ng DA.
“However, the extent of any benefit would depend on implementation, market demand and the availability of domestic supply,” dagdag pa ng ahensya.
Sa mensahe mula kay Agriculture Secretary Francisco Tiu Laurel Jr., siniguro ni DA Undersecretary Asis Perez sa mga hog raiser na nakahanda ang ahensya na protektahan ang lokal na industriya mula sa unfair import competition.
Ani Perez, isinusulong na ng DA ang pagtataas sa taripa bago pa man ang ikinasang protesta ng hog traders o tinawag na pork holiday.
“The DA filed a petition concerning pork jowl imports in August and another in September seeking to raise pork tariffs to 40%… The agency has since attended two hearings, although the approval process remains ongoing,” sabi pa ng DA.
Nananatiling under review ang panukala at nangangailangan pa ng pag-apruba ng ibang ahensya ng pamahalaan kabilang ang Tariff Commission.
Naghahanda rin ang Agriculture Department na maglunsad ng imbestigasyon sa ilalim ng General Safeguards framework, para sa legal restrictions sa pork imports kung mapatutunayan na nakakaapekto ito sa domestic producers.
“The DA’s message was clear: it is backing local producers. Whether that support translates into timely relief now rests on the next steps in the approval process,” sinabi ng DA.
Ayon sa Pork Producers Federation of the Philippines, nawawalan ang industriya ng P350 milyon kada araw o P7,000 kada ulo ng baboy dahil sa frozen pork mula sa ibang bansa. RNT/JGC
