MANILA, Philippines – Kinondena ng National Press Club (NPC) nitong Sabado, Oktubre 24 ang pag-aresto sa beteranong mamamahayag na si Philip Lustre Jr.
Kasabay nito ay hinimok ng NPC ang mga awtoridad na magbigay ng malinaw na paliwanag patungkol sa reklamo.
Si Lustre ay dumadalo sa forum sa Quezon City nang hulihin ng mga awtoridad matapos ang warrant of arrest na inisyu ng Branch 10 Regional Trial Court sa Davao City kaugnay sa cyber libel.
Ayon kay Atty. Dino De Leron, walang alam si Lustre sa reklamo o kaso.
“The NPC recognizes the authority of the courts and law enforcement agencies to enforce the law. However, such actions must be carried out in accordance with due process and the safeguards guaranteed by the Constitution,” saad sa pahayag ng NPC.
“The use of cyberlibel provisions against journalists also raises serious concerns about the potential chilling effect on free expression, public-interest reporting, and the media’s responsibility to hold those in power accountable,” dagdag pa.
Dahil dito ay nanawagan si NPC president Mina Navarro ng malinaw at transparent na paliwanag kaugnay sa pag-aresto kay Lustre upang matiyak na naigagalang ang constitutional rights nito.
“Legal processes must never be used to obstruct legitimate journalism or silence critical voices,” giit ng NPC.
Inaayos na ng legal counsel na makapagpiyansa si Lustre lalo’t ang mga dokumento ay kailangan pang kunin sa Davao City. RNT/JGC
