MANILA, Philippines – Nakapaglabas na ang Land Transportation Office (LTO) ng 5.4 milyong license plates para sa mga motorsiklo, dahilan para matapos na ang matagal nang backlog mula noong 2014, ayon kay Transportation Secretary Vince Dizon.
“As of this year, it was cut down to 5.4 million. Officially, we are here to announce we have already produced 5.4 million motorcycle plates, which effectively eliminates the backlogs,” ani Dizon ntong Martes, Hulyo 15.
Sinabi pa ni Dizon na ang backlog sa motorcycle plates ay umabot sa 12 milyon noong 2014.
Ang pinakamataas na backlogs ay naitala sa Luzon sa 2.4 million, sinundan ng Metro Manila sa 1.4 million, Mindanao sa 992,000, at Visayas sa 672,000.
Sinabi naman ni Transportation Undersecretary for Road Transport and Non-Infrastructure Ramon Reyes na ang distribusyon ng 5.4 milyong motorcycle plates ay makukumpleto sa Oktubre.
“Ang target po natin is sometime in October siguro 100% na tayo. By October this year, yun pong 5.4 million na distribute na po ‘yan nationwide,” aniya.
Para makuha ang kani-kanilang mga plaka, ang mga may-ari ng motorsiklo ay dapat na magtungo sa pinakamalapit na LTO district office o i-check sa LTO tracker system. RNT/JGC
