MANILA, Philippines – Inanunsyo ng Department of Public Works and Highways (DPWH) na bukas na ang limang pangunahing kalsada patungong Baguio na naapektuhan ng mga nagdaang sama ng panahon.
Kabilang dito ang Marcos Highway, Baguio-Bauang Road (Naguilian), Asin-Nangalisan-San Pascual-La Union Road, Benguet-Nueva Vizcaya Road, at Baguio-Bontoc Road.
Sa kabilang banda, nanatiling sarado ang Kennon Road dahil sa banta ng rockfall at pagguho ng lupa, habang hindi pa rin madaanan ang Baguio-Itogon Road sa Sitio Goldfield, Itogon, Benguet dahil sa landslide. Inirerekomenda ang Ucab–Midas Road bilang alternatibong ruta.
Nagpaalala ang DPWH na mag-ingat sa mga bagong bukas na kalsada dahil maaari pa ring may mga panganib. Santi Celario
