5 Luzon airports ops suspendido sa bagsik ni Bagyong Julian

MANILA, Philippines- Suspendido ang operasyon sa ilang paliparan sa Luzon nitong Martes dahil sa epekto ni bagyong Julian (international name: Krathon), base sa Civil Aviation Authority of the Philippines (Caap).

Sa 7 a.m. situational report, inihayag ng Caap na itinigil ng limang paliparan ang operasyon nito dahil sa pagbaha o pinsala sa mga pasilidad nito:

• Laoag International Airport (suspendido ang Visual Flight Rules o VFR dahil sa light rains at pinsala sa mga pasilidad)

• Vigan Airport (suspendido ang VFR operations dahil sa light rains at pagbaha sa runway 20)

• Lingayen Airport (suspendido ang flights dahil sa pagbaha sa runway 08)

• San Fernando Airport (suspendido ang Visual Flight Rules o VFR dahil sa light rains at low cloud ceiling at low visibility)

• Baguio Airport (suspendido ang Visual Flight Rules o VFR dahil sa low cloud ceiling at low visibility)

Samantala, napinsala ang electrical at communication cables sa Basco at Itbayat Airports, habang nasira rin ang dalawa nitong aircraft. RNT/SA