MANILA, Philippines – Pumirma ng limang taong partnership agreement ang Bangko Sentral ng Pilipinas (BSP) at Royal Canadian Mint (RCM) para palakasin ang kooperasyon nito sa currency management at gold refining.
Sa memorandum of understanding (MOU), nagkasundo ang dalawang partido na magtulungan sa technology exchange, staff training at exchange, pagbabahagi ng mga magagandang kasanayan, at technical at capacity-building assistance.
“The five-year partnership aims to foster collaboration between BSP and RCM, focusing on sustainability practices, cost-effective currency production, gold processing operations, and commemorative coin production,” saad sa pahayag ng BSP.
Lumahok sa seremonya ng pagpirma ng MOU si BSP governor Eli Remolona Jr. at RCM president at chief executive officer Marie Lemay, kasunod ng kasunduan sa payments at currency management sa Banque de France at Bundesdruckerei GmbH noong Oktubre 2024. RNT/JGC