MANILA, Philippines – Umabot sa 50 estudyante ang nahulihan ng mga kutsilyo, itak, at iba pang mga kontrabando nang magsagawa ng random inspection ang pulisya sa isang paaralan sa Pototan, Iloilo.
Ayon sa ulat, nakakuha umano ang pulisya ng impormasyon na may mga kabataang nagpapasok ng mga ipinagbabawal na gamit sa campus.
Makikipag-ugnayan ang mga awtoridad sa mga magulang ng mga estudyante upang isailalim sa counseling ang mga ito.
Sinabi ng Schools Division of Iloilo na malaking bagay ang police visibility sa mga eskuwelahan para sa karagdagang seguridad. RNT/JGC
