Tatay na susundo lang sa anak, pinagbabaril-patay

Nasawi ang isang ama sa Mabalacat, Pampanga na susundo lang sa kanyang anak matapos na barilin ng riding-in-tandem habang nasa loob ng kanyang kotse.

Ayon kay Police Colonel Jay Dimaandal, nasa Dau Access Road ang mag-ama nang dumating ang mga salarin.

Hindi agad pumutok ang unang bala, kaya nakatakbo ang anak, ngunit sa pangalawang putok ay tinamaan at napatay ang biktima.

Natukoy ng anak ang bumaril, at patuloy ang imbestigasyon sa motibo ng krimen. RNT