MANILA, Philippines – Nagpatupad ng manhunt operation ang pulisya sa Datu Abdullah Sangki, Maguindanao del Sur, laban sa mga armadong lalaking umatake sa isang konsehal, kagawad, at kalihim ng barangay.
Si Konsehal Edris Sangki, na siyang pinuno rin ng Barangay Kaya-Kaya, ay sakay ng motorsiklong minamaneho ni Barangay Kagawad Penny Balawgan nang pagbabarilin sila ng mga hindi pa nakikilalang salarin na lulan ng isang sasakyan bandang 10:30 a.m.
Tinamaan din ng ligaw na bala si Barangay Kalihim Abdul Latip, na nakasunod sa kanila sakay ng isa pang motorsiklo. Lahat ng biktima ay walang dalang armas at agad na isinugod sa ospital.
Kinondena ni DAS Mayor Suharto Al Wali Sangki-Mangudadatu ang pag-atake at nanawagan sa awtoridad na papanagutin ang mga nasa likod nito.
Nakarekober ang pulisya ng hindi bababa sa pitong basyo ng bala mula sa isang .45-caliber pistol, at patuloy ang imbestigasyon. RNT
