58th MTBA Open Tenpin Bowling Championship sumiklab sa Playdium

MANILA, Philippines – Pormal na binuksan ni Remate Bowlers Club/Manila Tenpin Bowlers Association (MTBA) President Benny Antiporda ang 58th Open Tenpin Bowling Championship sa Playdium Bowling Center sa Quezon City.

Tatagal ang kumpetisyon mula May 8 hanggang May 17.

Sa kanyang closing remarks pinuri ni Antiporda ang mga lumahok sa prestihiyosong event na may layuning mapalaganap ang larong bowling sa bansa bukod pa sa makadiskubre ng mga mahuhusay na manlalaro na pwedeng isabak sa mga international competition.

Kumpiyansa ang masipag na MTBA head na kagaya ng mga huling edition ng event, magiging successful din ang pinakalatest na edition ng kapana-panabik na palaro.

Nanguna din sa opening ceremony sina Benjamine Antiporda (Opening Remarks), Dang Alcantara, Benny Dytoc, Juncky Tabora, Steve Robles, at Geourgina Avecilla.

Ang prestihiyosong event ay suportado ng Philippine Sports Commission, Remate Dyario ng Masa, Congressman Arjo Atayde, Lion’s Bowling Club, Viking, Vafiant Bowling Club, PDF, U&I Bowling Club, SLETBA We Are Family, CHARIS ZAIDE & JAMES TONGOL, Bowl Shower, UBL, Greenfield, Manila Tenpin Bowler’s Association, Bowlkadas, Philippines Senior Bowling Association, Robust, Friends in Bowling at JM Realty and Lending Corporation.

Mag-cocompete ang mga manlalaro sa ibat-ibang categories – Mixed Open Masters, Classified, Mixed Open Seniors, Mixed Senior Classified, Ladies, at Mixed Novice.

Naglalakihang papremyo, magandang tropies at medals ang naghihintay sa mga magwawagi sa kumpetisyon sa kani-kanilang categories.