Bulacan – Arestado ang anim na binata matapos umanong mahulihan ng P408,000 halaga ng iligal na droga sa buy-bust operation ng mga awtoridad sa lungsod San Jose Del Monte (SJDM).
Kinilala ang mga suspek na sina Alvin Española, 25, residenteng ng Brgy. Yakal, Francisco Homes, Reynaldo Taperes, 36, Brgy. Kaypian , Joeymary Dionisio, 23, Brgy. Poblacion 1, Jomar Rubino, 30, Brgy. Graceville, Ronnel Villanueva, 32, Bagong Silang, Caloocan at Joel Española, 36, Brgy. Yakal, Francisco Homes, SJDM.
Ayon sa report ni PSsg Dexter Mabatas ng SJDM police station, naganap ang operasyon bandang 2:00 ng hapon nitong Abril 14 sa Brgy. Yakal, Francisco Homes.
Nakumpiska sa operasyon ang nasa 60 gramo ng suspected shabu na may standard drug price na P408,000.00.
Samantala, huli rin sa kaparehong petsa at operasyon ng mga pulis na pinamumunuan ni PLTCOL Russel Dennis Reburiano ang limang drug suspects na sina John Merk Vergara, Joven Reyes, John Neil Gimeno, Arnold Pastrana at Jake Romer Celian kapwa mga binata rin sa bayan ng San Ildefonso.
Nasamsam sa operasyon ang nasa 3.65 gramo ng suspected shabu na may drug price P24,820.00.
Nahaharap ang mga suspek sa kaukulang kaso habang nakakulong sa istasyong humuli sa kanila. Dick Mirasol III
