Bulacan – Sugatan ang anim na hindi pa nakilalang mga sundalo matapos umanong aksidenteng tumaob patagilid ang kanilang sinasakyang military truck sa bayan ng San Miguel.
Ayon sa impormasyong nakalap, naganap ang insidente bandang 7:11 ng umaga nitong, Biyernes, Setyembre 6 sa Brgy. Bulualto.
Agad naman dumating ang rescue team sa lugar at dinala ang anim na sundalong sugatan sa pinakamalapit na ospital para sa paunang lunas.
Sinasabing basa, maputik at posibleng madulas ang kalsadang pinagtaubang gilid ng kalsada ng truck ng mga sundalo.
Napag-alamang bumagal saglit ang daloy ng trapiko sa nasabing lugar dulot ng insidente. Dick Mirasol III
