Bulacan – Arestado ang anim na indibidwal matapos mahulihan umano ng P408,000 halaga ng ilegal na droga sa buy-bust operation ng pulisya sa lungsod San Jose Del Monte (SJDM).
Kinilala ang mga suspek sa mga alyas na Mon, 57, Ric, 39, Margie, 53, Bob, 50, Arn-arn, 41 at Bato, 28, kapwa residente ng Brgy. Grace Ville.
Sa report ng SJDM police station kay PCOL. Satur Ediong, OIC Bulacan police, ikinasa ang operasyon bandang alas-9 ng gabi nitong Agosto 9, sa nasabing lugar.
Nakumpiska sa operasyon ang nasa 60 gramo ng hinihinalang shabu na may standard price P408,000.
Nahaharap ang mga suspek sa kaukulang kaso habang nakakulong sa naturang istasyon ng pulis. Dick Mirasol III
