MANILA, Philippines – Patay ang isang 61-anyos na lalaki sa sunog sa isa sa EMBO (enlisted men’s barrio) barangay, na bahagi na ngayon ng Taguig.
Kinilala ng Taguig City Fire Station ang nasawi na si Mamerto Cordovez Jr., 61.
(c) Cesar Morales
Ayon sa fire station, naganap ang apoy sa isang bahay sa Lirio Street sa Barangay Pembo alas-12:40 ng madaling araw noong Enero 8. Itinaas ng mga bumbero ang unang alarma alas-12:45 ng madaling araw.
May kabuuang apat na pamilya o 12 indibidwal ang naapektuhan ng sunog, na napinsala ng P525,000 halaga ng mga ari-arian.
Sinabi ng mga awtoridad na nagmula ang apoy sa isang kwarto ngunit iniimbestigahan pa ang sanhi nito.
Nakontrol ang apoy dakong ala-1:08 ng madaling araw at naapula alas-1:14 ng madaling-araw. May kabuuang walong fire truck at dalawang ambulansya ang rumesponde sa insidente. RNT
