MANILA, Philippines – Kabuuang 732 overstaying Filipinos sa United Arab Emirates ang na-repatriate , ang huling dalawang batch na napauwi sa Pilipinas noong Oktubre 30 at Oktubre 31.
Sa pahayag, sinabi ng Philippine Consulate General sa Dubai na 35 overseas Filipinos na overstaying ang na-repatriate.
Ang mga repatriations, na ginawa noong Oktubre 31 ay pinadali sa pakikipagtulongan ng Migrant Workers Office (MWO) at ng Overseas Workers Welfare Administration (OWWA).
Ang isa pang batch, na binubuo ng mga Pinoy na overstaying sa Abu Dhabi, ay pinauwi noong Oktubre 30 at inorganisa ng MWO sa Philippine Embassy doon.
Itinaas ng mga repatriations ang kabuuang bilang ng mga repatriates sa 732 mula nang magsimula ang programa noong Setyembre, ayon sa pahayag.
Kasunod ng desisyon ng gobyerno ng UAE na pahabain ang panahon ng amnestiya hanggang Disyembre 31 ,2024, nagpahayag si Ambassador Alfonso A. Ver, pinuno ng misyon ng Pilipinas sa UAE ng patinding pasasalamat sa mga awtoridad ng UAE sa pagbibigay ng pagkakataon sa mas maraming expatriate na gawing legal ang kanilang immigration status.
Hinikayat din niya ang mga karapat-dapat na Pilipino na hindi pa nakikinabang nang husto sa amnesty program na gawing legal ang kanilang paninirahan o lumabas ng bansa.
Ang mga repatriates ayon pa sa pahayag, na ang mga overstaying at absconding na multa ay mapagbigay na nai-waive sa ilalim ng amnesty program, ay nakatanggap ng mahahalagang tulong mula sa gobyerno ng Pilipinas, kabilang ang airfare at consular documentation support. Jocelyn Tabangcura-Domenden
