MANILA, Philippines- Ligtas na nakarating sa Pilipinas ang 76 overseas overseas Filipino workers (OFWs) at dalawang dependents mula sa Lebanon, sinabi ng Department of Migrant Workers.
Inihayag ng DMW na lumapag ang Emirates EK 334 sa NAIA noong Linggo kasama ang pinakabagong batch ng repatriates mula sa Lebanon na puno ng kaguluhan.
Nagdala sa kabuuang 636 ang dumating na grupo ng mga OFWs na na-repatriate ng gobyerno ng Pilipinas mula Lebanon at ang bilang ng dependents sa 32.
Itinaas ng Department of Foreign Affairs (DFA) sa Alert Level 3 sa Lebanon, na nangangahulugang ang repatriation ay boluntaryo sa gitna ng airstrikes ng Israel na nakaaapekto sa ilang bahagi ng bansa.
Hinikayat ng gobyerno ang mga Pilipino sa Lebanon na magbalik sa bansa habang mayroon pang flights at ang anunsyo na iuuwi sila ng charter flights. Jocelyn Tabangcura-Domenden
