MANILA, Philippines – Ipalalabas na ng Department of Education (DepEd) ang PHP 7,000 medical allowance para sa mga kwalipikadong guro at non-teaching staff bilang bahagi ng direktiba ni Pangulong Marcos Jr. para sa mas pinalawak na suporta sa kalusugan.
“As emphasized by President Marcos, we want our teachers and staff to stay healthy without having to worry about medical bills,” ani DepEd secretary Sonny Angara.
“This is our way of recognizing the commitment of our teachers and staff. This allowance is a way to give back and ensure they never have to choose between their health and the stress of medical bills.”
Maaaring kunin ang allowance sa pamamagitan ng group o individual HMO packages, o direct cash sa mga lugar na kulang sa HMO access.
Kwalipikado ang mga empleyadong nakapaglingkod ng anim na buwan ngayong 2025. Hindi naman kabilang ang consultants at job order workers. RNT
