MANILA, Philippines – Kinumpirma ng Commission on Appointments (CA) ang ad interim appointments nina Maria Norina Tangaro-Casingal at Noli Rafol Pipo bilang mga commissioner ng Comelec na maninilbihan hanggang 2032.
Kapwa beterano sa serbisyo, humarap sila sa pagtutol, kabilang ang mula kay Ronald Cardema ng Duterte Youth, ngunit inaprubahan pa rin ang kanilang nominasyon.
Papalitan ni Tangaro-Casingal si Socorro Inting, habang si Pipo naman ang papalit sa nabakanteng posisyon ni Marlon Casquejo.
Kumpirmado rin ng CA ang 84 na heneral at matataas na opisyal ng Armed Forces of the Philippines (AFP). RNT
