8 utas sa sunog sa paupahang bahay sa QC

QUEZON CITY — Walong tao ang kumpirmadong nasawi matapos masunog ang isang paupahang bahay sa Barangay San Isidro, Quezon City, nitong madaling araw ng Huwebes.

Ayon sa Bureau of Fire Protection (BFP), nagsimula ang sunog sa tatlong palapag na gusali at umabot sa unang alarma bandang 2:02 a.m.

Ayon sa ilang residente, malaki na ang apoy nang sila’y magising, kaya napilitan ang ilan na dumaan sa bubong upang makaligtas.

Idineklarang fire out ang sunog bandang 2:48 a.m.

Sa isinagawang search and rescue, natagpuan ng mga rumespondeng awtoridad ang dalawang bangkay malapit sa hagdan sa unang palapag ng gusali. Hindi pa natutukoy ang pagkakakilanlan ng mga biktima.

Iniimbestigahan pa ang sanhi ng sunog, at wala pang ibinibigay na impormasyon ang mga awtoridad tungkol sa bilang ng mga naapektuhang residente at ang kabuuang halaga ng pinsala. Santi Celario