ATIMONAN, Quezon – Patay ang isang 91-anyos na biyuda matapos mabangga ng kotse ang sinasakyang tricycle sa Maharlika Highway sa Barangay Angeles, nitong bayang ito, Huwebes ng umaga, Marso 7.
Sinabi ng pulisya na sakay ang biktimang si Filomena sa isang tricycle na minamaneho ni Fernando Reyes, 63, nang bumangga ang Honda car na minamaneho ng negosyanteng si Stephen, 42, sa tricycle na nag-U-turn.
Tumilapom si Filomena at nakahandusay sa kalsada. Namatay siya sa lugar dahil sa malubhang pinsala.
Nahaharap si Stephen sa kasong homicide at damage to property. RNT
