Patay sa forest fire sa Chile, 46 na

CHILE – Umakyat na sa 46 katao ang nasawi sa mga forest fire na sumiklab sa central Chile.

Babala ng Pangulo ng bansa na si Gabriel Boric, posibleng tumaas pa ang death toll.

Dahil sa forest fire, binalot ng maitim na usok ang malaking bahagi ng Valparaiso region na tirahan ng halos isang milyong mga residente.

Gumamit na ng mga helicopter upang mapuksa ang apoy.

Pinakanapuruhan ng forest fire ang coastal tourist city ng Vina del Mar.

“Given the conditions of the tragedy, the number of victims is sure to increase over the next few hours,” ayon kay President Boric.

“The situation is really very difficult.”

Sa kasalukuyan ay mayroong 92 na aktibong forest fire sakop ang mahigit 43,000 ektarya. RNT/JGC