MANILA, Philippines- Magsasagawa ang Armed Forces of the Philippines (AFP) ng rotation and reprovision (Rore) missions sa apat nitong outposts sa West Philippine Sea sa susunod na buwan.
Kasado ang supply expeditions para sa military stations sa Pagasa Island, Kota Island, Panata Island, aat nd Parola Island sa unang linggo ng Abril.
“The AFP will continue its rotation and reprovision or the Rore missions in other islands and features in the West Philippine Sea,” pahayag ni AFP spokesperson Col. Francel Margareth Padilla sa isang press conference.
Mula Feb. 18 hanggang 21, nagsagawa ang AFP ng Rore mission para sa military outposts sa Patag Island at Lawak Island, ayon kay Padilla, at sinabing paiiralin ng AFP at Philippine Coast Guard ang Rore trips sa Ayungin Shoal buwan-buwan.
Naobserbahan ng Philippine authorities ang presensya ng ilang China Coast Guard (CCG) at Chinese Maritime Militia (CMM) vessels sa vicinity waters ng nasabing maritime atolls.
Ani Padilla, mahigit 50 CCG ships at fishing boats ang namataan sa West Philippine Sea hanggang nitong Lunes.
Inaangkin ng China ang halos kabuuan ng South China Sea, saklaw ang West Philippine Sea – ang pinanindigan nitong rason para sa presensya nito sa ilang bahagi ng teritoryo.
Subalit, pinawalang-bisa ang claim ng Beijing sa July 2016 ruling ng Permanent Court of Arbitration. RNT/SA
