TBILISI, Georgia – Pananagutan at reporma sa polisiya at mga proyekto nito!
Ito ang hamon ng network ng NGO Forum on ADB at ng mga pandaigdigang kaalyado nito sa Asian Development Bank (ADB) sa kanilang ika-57 Annual Meeting sa nasabing bansa.
Pinuna rin ng NGO Forum at mga kaalyado nito ang Draft Environmental and Social Framework na inilabas ng ADB noong Oktubre 2023 dahil sa hindi pagtupad sa mga internationally-agreed human rights, labor, at mga kumbensyon sa kapaligiran.
Binibigyang-diin ng grupo ng Civil Society Organization na dapat agarang itaguyod o ipatupad ng ADB ang pinakamataas na pamantayan ng Environmental and Social Safeguarding (ESF).
Pinupuna nila ang kawalan ng transparency at pananagutan sa proseso ng konsultasyon ng ESF, na nagsasaad na sa kabila ng dalawang taon ng pakikipag-ugnayan, hindi nakita ng mga CSO kung paano isinama ang kanilang mga input sa draft na patakaran.
“In good faith we have invested two years in the ESF Consultations with the ADB’s Office of Safeguards (OSFG), but the opacity regarding the integration of CSO inputs and demands into the resulting draft policy paper is disappointing, also alarming. Despite our persistent engagement and sincere detailed input, the absence of a disclosed matrix leaves us in the dark, as to which of our comments have been considered and which have been disregarded and why! What little faith we may have liked to repose in the ADB has been lost with this lack of transparency regarding the exclusion of our inputs throughout the Phase 2 Consultation process,” giit ni Vidya Dinker ng Growthwatch, India.
Bunsod nito, hayagang tinanggihan ng CSO ang draft ng ESF at hinihiling ang agarang pag-overhaul nito na may binding requirements.
Ang kabiguan ng ESF na siguruhin ang ‘No Harm’ ay pruweba sa kapabayaan ng ADB sa pangangalaga sa kapaligiran at panlipunan, dagdag pa ng grupo.
Nauna nang sinita ng NGO Forum at mga kaalyado nito sa mga isinagawang konsultasyon ng ADB ang malabnaw na wika ukol sa proteksyon na dapat ibigay ng ESF sa kapaligiran at sa mga maaapektuhang komunidad.
Sinita rin ng Forum ang pagkakatanggal ng mga kritikal na proseso tulad ng Environmental Impact Assessments at Social Impact Assessment, na kinukuwestiyon ang pagiging epektibo nito sa pagtugon sa mga pinsalang nauugnay sa proyekto.
“Our analysis of this ESF W paper reveals a policy that seeks to dilute binding regulations from the SPS 2009 standards through the Mitigation Hierarchy approach, allowing borrowers to bypass EIAs and SIAs prior to board approval for high and medium-risk projects. This places the environment and local communities at direct risk from all ADB project operations. The ADB’s new Gender-blind ESF, in our assessment, actually does an excellent job in safeguarding, especially ADB Bank Officials and its borrowers, just not the people or the planet,” ani Rayyan Hassan ng NGO Forum on ADB.
Tinutuligsa din ng mga CSO ang suporta ng ADB para sa coal at fossil gas projects, na sumasalungat sa climate commitments nito.
“ADB’s continued financing of fossil gas and large hydropower projects contradicts the global shift towards renewable energy. LNG-based power plants, despite being ten times more expensive than renewables in many Asian countries, still receive ADB funding. We demand a decisive stance: ADB must exit gas and revise its Energy Policy to prioritize a green transition devoid of fossil fuels and environmentally destructive projects,” dagdag pa ni Hasan Mehedi, ng Coastal Livelihood and Environmental Action Network.
Nananawagan ang NGO Forum at mga kaalyado nito sa ADB na unahin ang pampublikong interes at pananagutan, pagdinig sa mga panawagan ng mga apektadong komunidad,tagapagtanggol ng kapaligiran, at mga tagapagtaguyod ng karapatang pantao kaysa sa kikitain sa mga proyekto nito. RNT
