FRANCE — Libu-libong mga atleta ang naglayag sa gitna ng Paris sa ginanap na opening ceremony ng Olympics nitong Biyernes (1:30 am ng Sabado sa Pilipinas) bilang hudyat sa pagbubukas ng pandaigdigang digmaan pinakamamagaling na atleta.
Nagpatupad ang Paris ng mahigpit na seguridad sa opening ceremony bunsod ng banta ng terorismo.
Umabot sa mahigit 7,500 competitors ang lumahok sa parade na naglakbay sa pababa sa isang anim na kilometro (apat na milya) na kahabaan ng ilog Seine sa isang flotilla ng 85 bangka.
Kumpara noong Covid-blighted 2020 Tokyo Olympics, na naantala ng isang taon at binuksan sa isang walang laman na stadium, ang Paris show ay tinunghayan ng mahigit 300,000 cheering spectators at isang audience ng mga VIP at celebrity mula sa buong mundo.
Ito ang unang pagkakataon na nagbukas ang Summer Olympics sa labas ng pangunahing athletics stadium, isang desisyong puno ng panganib sa panahon na ang France ay nasa pinakamataas na alerto para sa terorismo.
Sa loob ng maraming buwan, ang mga organizer ay nahihirapan sa mga tanong tungkol sa kung kailangan nilang i-scale back o ilipat ang prusisyon, ngunit iginiit nila sa buong panahon na walang plan B.
Inabangan ng mga fan ang pagtatanghal ng mga sikat na singer sa pangunguna nina Celine Dion at Lady Gaga.
Samantala, pinangunahan naman nina flag bearers at boksingero na sina Nesthy Petecio at Carlo Paalam ang 16 members delegasyon ng Pilipinas sa makasaysayang opening ceremony ng 2024 Paris Olympics.
Kasama nina Petecio at Paalam ang iba’t ibang atleta at opisyal ng palakasan sa pagdiriwang ng sentenaryo ng paglahok ng bansa sa Palaro.
Makakasama ng dalawa ang mga kapwa boksingero na sina Aira Villegas at Hergie Bacyadan sa opening rites. Kasama rin sina hurdlers Lauren Hoffman at John Cabang, swimmers Kayla Sanchez at Jarod Hatch, gymnast Aleah Finnegan, at fencer Sam Catantan.
Nakasama rin ng mga atleta sa parada ang mga sports official na sina chef de mission Jonvic Remulla, executives Michael Angelo Vargas (swimming), Marcus Manalo (boxing), Cynthia Carrion Norton (gymnastics), Patrick Gregorio (rowing), at Terry Capistrano (athletics).
Ayon sa POC, ang ibang mga atleta na hindi sasali sa opening ceremony ay naghahanda na para sa kanilang laro sa parehong araw o nananatili sa pagsasanay para sa kani-kanilang kampanya.
Kabilang dito ang gymnast na si Carlos Yulo, rower Joanie Delgaco, at Eumir Marcial, na lahat ay inaasahang magsisimula sa kanilang bid ngayong Sabado.
Maaaring laktawan ni Marcial ang round of 32 ng men’s 80kg division sakaling makakuha siya ng bye.
Nasa Normandy naman ang pole vault ace na si EJ Obiena para tumutok din sa kanyang build-up habang ang tatlong weightlifters na sina Vanessa Sarno, Elreen Ando, at John Ceniza ay nasa Metz pa at darating lamang sa Olympic Village sa Agosto 6.
