MANILA, Philippines – Nag-isyu ng subpoena ang Senate committee on environment, natural resources, and climate change nitong Miyerkules, Agosto 14 laban sa mga may-ari ng MTKR Jason Bradley at MV Mirola 1 na nagdulot ng oil spill sa Bataan.
Sa pagdinig sa Senado, pinangunahan ni committee chairperson Senator Cynthia Villar ang hakbang para mag-isyu ng subpoena matapos na hindi dumalo ang mga may-ari ng mga barko.
“In view of the absence of Mr. Rominick Ponesta, ship owner of MTKR Jason Bradley, and Ms. Mary Jane Obaldo, ship owner of MV Mirola 1, despite being notified of today’s hearing, I move that subpoena be issued to the aforementioned persons,” ani Villar.
Sinegundahan ito ni Senador Francis Tolentino.
“It has been moved and seconded that we will issue subpoena to owners of Jason Bradley and Mirola 1,” sinabi pa ni Villar.
Nasa kabuuang 352,179 katao sa coastal barangays sa Cavite ang apektado ng oil spill, at ang nawalang kita sa mga apektadong residente ay umabot sa halos P18 milyon kada araw, ayon sa Office of Civil Defense (OCD).
Matatandaan na inilagay sa state of calamity ang Bataan dahil sa oil spill mula sa MTKR Terranova at dalawa iba pang barko. RNT/JGC
