MANILA, Philippines – Pinag-aaralang mabuti at naglalaan ng sapat na panahon ang kauna-unahang sovereign wealth fund ng bansa sa pagsasagawa ng anumang investment, sinabi ni Finance Secretary at Maharlika Investment Corporation (MIC) Chair Ralph Recto nitong Miyerkules, Agosto 14.
Sa briefing ng Senate panel on finance kasama ang economic managers ng bansa kaugnay sa proposed 2025 national funding, sinabi ni Recto na ang Maharlika ay aktibong naghahanap ng investment opportunities.
“There is no subsidy in the 2025 National Expenditure Program for Maharlika. Admittedly, it is taking time to identify investments that the Makarlika can make,” ani Recto.
“As you know, it is like a start up, we just passed the law last year so they have been in operation for six [or] seven months right now, so it’s like a start up,” dagdag pa niya.
Ayon pa kay Recto, inisyal na naglabas ang MIC ng start-up amount na P75 bilyon, sabay-sabing ang pondo ay “invested in the treasury” na kumukita rin ng interes.
“I think they found their office already, they are looking for employees, they are determining pre-packages to be given to the employees of the Maharlika and they are scouting for investments,” dagdag pa.
Sinabi ni MIC president at chief executive officer Rafel Consing na makatutulong ang Maharlika Investment Fund (MIF) na pabilisin ang paglago ng ekonomiya ng bansa sa pagbawas ng kahirapan at paglikha ng mas maraming trabaho.
Partikular na sinabi ni Consing na layon ng MIF na tulungan na mapanatili ang high economic growth ng bansa, bawasan ang kahirapan sa paglikha ng trabaho at pagpromote ng sustainable development.
Batay sa Republic Act No. 11954, na pinirmahan ni Pangulong Ferdinand Marcos Jr. noong Hulyo 2023, gagamitin ang sovereign wealth fund ng bansa sa pag-invest sa assets kabilang ang foreign currencies, fixed-income instruments, domestic at foreign corporate bonds, joint ventures, mergers at acquisitions, real estate, at high-impact infrastructure projects. RNT/JGC
