MANILA, Philippines – Sinabi ng Commission of Elections (Comelec) nitong Martes, Oktubre 1 na wala itong kapangyarihan na awtomatikong kanselahin ang certificate of candidacy (COC) ni Bamban, Tarlac Mayor Alice Guo sakaling tumakbo ito sa ibang puwesto sa gobyerno.
“Kami po tinitingnan din namin yung decision ng Ombudsman, yung pinapatawan ng perpetual disqualification. May data po kasi yan at immediate executory,” sabi ni Comelec spokesperson John Rex Laudiangco.
Pinayuhan din ni Laudiangco ang mga botante na suriing mabuti ang mga kandidatong tatakbo para sa 2025 election.
Nahaharap si Guo sa kasong graft, qualified human trafficking, money laundering, at tax evasion dahil sa kanyang pagkakasangkot sa Philippines Offshore Gaming Operator (POGO) hub sa kanyang lalawigan.
Nauna na ring sinabi ni Guo na hindi pa siya makapagdesisyon kung siya ay tatakbo muli para sa 2025 midterm elections. Jocelyn Tabangcura-Domenden
