MANILA, Philippines- Kumpiyansa ang Malakanyang na matatapos ng bansa ang taon na may maliwanag na “inflation environment” kasunod ng pagbagal ng rate sa pagtaas ng presyo ng kalakal at serbisyo nito lamang nakaraang buwan.
“We are upbeat in our belief that average inflation for 2024 will be better than expected,” ang nakasaad sa kalatas ng Presidential Communications Office (PCO).
Inaasahan ng economic managers ng administrasyong Marcos na mapapanatag ang inflation sa 3% hanggang 4% ngayong taon.
Sa ulat, buwan ng Setyembre nang umikot ang inflation sa 1.9%, isang mabilis na pagbabawas mula 3.3% rate na nakita noong Agosto, sa gitna ng pagbagal sa pagpapatong ng presyo o halaga sa pagkain at transportasyon.
“Buoyed by the success of our plan, strategies on how to further decelerate inflation will be sustained,” ayon sa PCO.
Sinabi pa ng Malakanyang na ang pagtaas sa food production “in conjunction with the targeted entry of food items that will plug supply gaps but done in a timely manner so they will discourage price and stock manipulation will also be implemented.”
“As we enter the holiday season, the government will be vigilant in seeing to it that prices will be stabilized at a level that will not dampen the spirit of the season,” sabi ng PCO.
Ang kamakailan na mababang inflation environment, ay resulta ng “programmed at persistent drive” ng gobyerno para patamlayin ang inflation.
“This is the outcome of a campaign to keep prices of goods affordable to families,” ang sinabi pa rin ng PCO.
“This can be gleaned from the almost across-the-board slower increase in the prices of food and non-alcoholic beverages, transport, and utilities,” anito. Kris Jose
