MANILA, Philippines- Nanawagan si Philippine National Police (PNP) chief Police General Rommel Marbil nitong Linggo sa dating PNP chiefs na linawin ang kanilang pagkakdawit sa drug war ng administrasyong Duterte, kasunod ng akusasyon ni retired police colonel Royina Garma na payment at rewards system para sa pagpaslang sa drug suspects.
“We take these allegations very seriously. We will thoroughly investigate Garma’s claims to ensure accountability and transparency within our ranks,” giit ni Marbil.
Dagdag niya, naghahanda ang PNP na busisiin ang mga alegasyong kinasasangkutan ng dating PNP chiefs.
Nauna nang sinabi ni Garma na inutusan umano siya ni Duterte na humanap ng opisyal na magpapatupad ng Davao model ng war on drugs sa buong bansa, kung saan binabayaran umano ang indibdiwal ng hanggang P1 milyon sa pagpatay sa drug suspects.
Sa kanyang salaysay, binanggit ni Garma ang mga sangkot sa implementasyon ng kampanya.
“Our commitment to human rights and accountability is paramount. We must work diligently to regain the trust of the people and ensure that law enforcement operates within the bounds of the law,” wika ni Marbil.
Base sa human rights lawyer na si Chel Diokno, mahigit 20,000 indibidwal ang napatay sa drug war base sa 2017 year-end accomplishment report ng administrasyong Duterte. RNT/SA
