MANILA, Philippines – Kabuuang 66 kandidato ang kasama na sa partial list ng mga tatakbong senador para sa May 2025 elections, sinabi ng Commission on Elections (Comelec).
Sa isang resolusyon, inaprubahan ng Commission en banc ang rekomendasyon ng kanilang Law Department sa inisyal na listahan ng mga pangalan ng aspirante para sa Senador.
Kabilang sa senatorial aspirants ang 11 miyembro ng Alyansa para sa Bagong Pilipinas ng administrasyong Marcos–sina dating interior secretary– Benhur Abalos, Makati City Mayor Abby Binay, Senator Pia Cayetano, dating senator Panfilo Lacson, Senator Lito Lapid, former senator Manny Pacquiao, Senator Bong Revilla, dating Senate president Vicente Sotto III, Senator Francis Tolentino, ACT-CIS party-list Rep. Erwin Tulfo, at House of Representatives Deputy Speaker Camille Villar.
Kabilang din sa listahan ang dating senator Bam Aquino, former national security adviser Norberto Gonzales, former senator Gringo Honasan, SAGIP party-list Rep Rodante Marcoleta, AGRI party-list Rep Wilbert Lee, Senator Imee Marcos, former Commission on Audit commissioner Heidi Mendoza, Dr. Willie Ong, former senator Francis Pangilinan, retired Marine officer Ariel Querubin, TV host Willie Revillame, dating Ilocos Sur governor Chavit Singson, broadcaster Ben Tulfo, gayundin si labor leaders Sonny Matula, Luke Espiritu, at Leody de Guzman.
Ang iba pang kandidato na nakasama rin sa partial list ay kilalang kaalyado ni dating Pangulong Rodrigo Duterte – singer/lawyer James Bondoc, Senator Ronald dela Rosa, Senator Bong Go, former Marcos Jr. executive secretary Victor Rodriguez, actor Phillip Salvador, Jesus Hinlo, Raul Lambino, at si Kingdom of Jesus Christ leader Apollo Quiboloy.
Pasok din ang Makabayan Coalition’s senatorial slate kabilang ang registered nurse Jocelyn Andamo, PISTON leader Mody Floranda, Kadamay Secretary General Mimi Doringo, ACT Teachers Rep. France Castro, Gabriela Rep. Arlene Brosas, Kilusang Mayo Uno secretary general Jerome Adonis, Pamalakaya vice chairperson Ronnel Arambulo, Kilusang Magbubukid ng Pilipinas chair Danilo Ramos, former Gabriela Rep. Liza Maza, dating Bayan Muna Rep. Teddy Casiño, at Sandugo Co-chairperson Almirah Lidasan.
Kasama rin sina Wilson Amad, Ernesto Arellano, Roberto Ballon, Bonifacio Bosita, Roy Cabognero, Allen Capuyan, Angelo de Alban, David D’Angelo, Arnel Escobal, Marc Gamboa, Relly Jose, Norman Marquez, Eric Martinez, Richard Mata, Jose Montemayor, Jose Olivar, Nur Ana Sahidulla, Michael Tapado, Mario Valbuena, at Leandro Verceles.
Sinabi ng Comelec na dumaan sa masusing evaluation ng Comelec Law Department ang mga pangalan ng naghain ng COC matapos ang panahon ng COC filing na natapos noong Okt.8
Ipinag-utos din nito sa Office of the Clerk of the Commission na agad na i-docket at i-raffle ang 117 motu proprio petition para ideklara ang mga nuisance candidate na ihahain ng Law Department sa nararapat na Dibisyon ng Komisyon para sa agarang resolusyon nito.
May kabuuang 184 na indibidwal ang naghain ng kanilang COC para sa senador sa Manila Hotel Tent City mula Oktubre 1 hanggang 8. (Jocelyn Tabangcura-Domenden)
