MANILA, Philippines- Nagkita at saglit na nagkamay sina Pangulong Ferdinand Marcos Jr. at Vice President Leni Robredo sa inagurasyon ng Sorsogon Sports Arena, araw ng Huwebes.
Si Robredo, kasama si dating Senador Bam Aquino, ay mainit na tinanggap si Pangulong Marcos sa holding area.
“She welcomed the president at the entrance of the sports arena. Katabi ni former VP Leni si former Sen Bam Aquino sa pag welcome kay PBBM,” ayon kay Presidential Communications Office (PCO) Sec. Cesar Chavez.
Sinabi naman ni Senate President Francis ”Chiz” Escudero, siya ang nag-imbita kay Robredo para i-welcome si Pangulong Marcos sa ngalan ng Bicol region.
Si Escudero ay naging gobernador ng Sorsogon bago pa nagbalik-Senado noong 2022.
Matatandaang noong 2016, nanalo si Robredo ng 14,418,817 boto laban sa 14,155,344 ni Marcos, o sa lamang na 263,473 boto.
Muli niyang tinalo si Marcos sa isang recount sa tatlong “pilot provinces”: Camarines Sur, Iloilo, at Negros Oriental. Matapos ang “rebisyon” ng mga balota, tinaasan pa ni Robredo ang kanyang lamang sa 278,566 na boto.
Muli namang nagharap ang dalawa sa 2022 presidential elections kung saan nanalo si Marcos laban kay Robredo sa pagka-presidente.
Samantala, sa darating na 2025 elections ay tatakbo si Robredo sa pagka-alkalde sa Naga City. Kris Jose
