MANILA, Philippines – Nagpositibo sa paralytic shellfish poison o toxic red tide ang ilang probinsya a Visayas at Mindanao, higit sa regulatory limit nito, ayon sa Bureau of Fisheries and Aquatic Resources (BFAR).
Sa abiso na inilabas nitong Miyerkules, Oktubre 16, sinabi na ang mga nakolektang shellfish sa mga sumusunod na lugar ay hindi ligtas na kainin:
Dumanquillas Bay sa Zamboanga del Sur
Coastal waters ng Daram Island, Samar
Zumarraga Island, Samar
Irong-Irong Bay, Samar
Carigara Bay sa Leyte
Coastal waters ng Tungawan sa Zamboanga Sibugay
Biliran Island sa Biliran Province
Lianga Bay sa Surigao del Sur
Ang lahat ng uri ng shellfish o alamang na nakolekta mula sa mga nabanggit na lugar ay hindi ligtas kainin.
Sa kabila nito, maaari namang kainin ang mga isda, pusit, hipon, at alimango mula sa mga nabanggit na lugar “provided that they are fresh and washed thoroughly, and internal organs such as gills and intestines are removed before cooking.” RNT/JGC
