MANILA, Philippines- Nanumpa si Dante Francis Mariano Ang II nitong Biyernes bilang chairperson ng Commission on Filipinos Overseas (CFO).
Pinangasiwaan ni Executive Secretary Lucas Bersamin ang panunumpa ni Ang, kasalukuyang chairman ng The Manila Times.
Nilagdaan ni Pangulong Ferdinand “Bongbong” Marcos Jr. ang appointment paper ni Ang noong Oktubre 16, 2024.
Ang CFO ay isang ahensya sa ilalim ng Office of the President at isa sa migrant-serving agencies, na nagbibigay ng pre-departure services sa Filipino emigrants, marriage migrants, US Exchange Visitor Program participants, at au pairs.
Karamihan sa mga kliyente nito ay patungong United States, Canada, Japan, Australia, Italy, New Zealand, South Korea, United Kingdom, Spain, at Germany. RNT/SA
