54 patay sa Batangas sa bagyong #KristinePH

MANILA, Philippines – Umakyat na sa 54 ang bilang ng mga nasawi sa probinsya ng Batangas dahil sa pananalasa ng Bagyong Kristine.

Matatandaan na idineklara na ang state of calamity sa nasabing probinsya dahil sa matinding epekto ng bagyo.

Sa inisyal na ulat ng Batangas police, bukod sa 54 na nasawi ay mayroong 18 sugatan at 21 ang nawawala.

Karamihan sa mga naapektuhang bayan ay malapit sa Taal Lake.

Pahirapan din na madaanan ang mga kalsada sa Talisay at Laurel. RNT/JGC