MANILA, Philippines – Naibalik na sa normal ang mga transmission infrastructure na naapektuhan sa pananalasa ng Severe Tropical Storm Kristine, sinabi ng National Grid Corporation of the Philippines (NGCP) nitong Sabado, Oktubre 26.
Sa grid situation bulletin, hanggang nitong Sabado, sinabi ng NGCP na “has completely restored all loads affected by Severe Tropical Storm Kristine.”
“The tropical cyclone poses no further threat to any NGCP facilities,” dagdag pa ng grid operator.
Nitong Biyernes, inanunsyo ng NGCP na nagsasagawa ito ng simultaneous restoration activities sa iba’t ibang lugar na napasok na ng kanilang mga line team.
Sa kabila ng full restoration ng power grid infrastructure na naapektuhan ng bagyong Kristine, sinabi ng NGCP na nananatiling activated ang Overall Command Center (OCmC) nito sa pagmonitor ng sama ng panahon.
“NGCP’s transmission lines and facilities are under normal operations.” RNT/JGC
