MANILA, Philippines – Sarado pa rin ang nasa 21 national roads at tatlong tulay matapos sirain ng bagyong Kristine, ayon sa Department of Public Works and Highways (DPWH) nitong Sabado, Oktubre 26.
Ang 21 national road sections ay matatagpuan sa mga sumusunod na lugar:
Tatlo sa Cordillera Administrative Region
Isa sa Region II
Isa sa Region III
Lima sa Region IV-A
Isa sa Region IV-B
Siyam sa Region V
Isa sa Region VII
Ang mga kalsada ay hindi madaanan “due to flooding, series of soil collapse, fallen trees, rock collapse, landslide, mud and debris flow, fallen utility posts, collapsed road, mud slide, collapsed/washed out bridge, collapsed pavement, rock slide, and road slip,” ayon sa DPWH.
Hindi rin madaanan ang isang tulay sa Region II, isang tulay sa Region IV-A, at isang tulay sa Region V matapos itong bumigay.
Samantala, mayroong 19 na national road sections ang may limitadong access.
Isa sa CAR
Isa sa Region II
Isa sa Region III
Tatlo sa Region IV-A
Isa sa Region IV-B
12 sa Region V
Ang limitadong access naman ay dahil sa “flooding, washed-out detour road, scoured RCPC and washed-out surfacing materials, soil erosion, collapsed detour road, fallen trees, and road collapse.”
Maliban sa mga nabanggit, ang lahat ng national roads at mga tulay sa iba pang apektadong rehiyon ay madaraanan na ng lahat ng uri ng sasakyan. RNT/JGC
