MANILA, Philippines- Magsasagawa ng nationwide voter education roadshow ang Commission on Elections bilang paghahanda para sa May 12, 2025 National and Local Elections at Bangsamoro Autonomous Region in Muslim Mindanao Parliamentary Elections.
Kabilang sa roadshow ang live demonstration ng automated counting machine (ACM) na nagpapahintulot sa mga botante na maging pamilyar sa bagong teknolohiya.
Inanunsyo ng Comelec sa social media na ang bagong rehistro at lumang botante ay magkakaroon ng pagkakataon na maranasan kung paano gumamit ng ACM.
“The goal of the roadshow is to introduce the automated counting machine to Filipino voters, to ensure they understand how to properly use the machine, and to reinforce the importance of exercising their right and responsibility to vote,” sabi ng Comelec.
Para sa buong listahan ng roadshow venues, ang publiko ay hinihikayat na bumisita sa opisyal na Comelec Facebook page.
Tatakbo ang roadshow hanggang Enero 30, 2025.
Gayundin, ibinahagi ni Comelec Chair George Garcia sa isang briefing noong Biyernes na ang bansa ay kasalukuyang mayroong 68.6 milyong rehistradong botante, isang figure na bahagyang mas mababa sa inaasahang 70 milyon. Jocelyn Tabangcura-Domenden
