MANILA, Philippines – Nakapagtala ng mahinang pagsabog sa Taal Volcano sa Batangas province ngayong Martes ng umaga, ayon sa Philippine Institute of Volcanology and Seismology (PHIVOLCS).
Bandang 05:58 a.m., nagbuga ang Taal Volcano ng 2800-meter grayish plume, sabi ng PHIVOLCS.
Ang Alert Level 1 ay nanatiling nakataas sa ibabaw ng bulkan sa kabila nito, na nangangahulugang mayroon itong “mababang antas ng kaguluhan.”
Dalawang pagyanig ng bulkan na tumagal ng apat na minuto ang naitala din sa Bulkang Taal.
Nagbuga rin ito ng katamtamang 600 metrong taas na abo, na hinangin sa timog-kanluran. Noong Nobyembre 30, naglabas din ito ng 7,216 tonelada ng sulfur dioxide flux.
Nagbabala rin ang PHIVOLCS na maaaring mangyari ang mga panganib tulad ng steam-driven o phreatic o gas-driven explosions, volcanic earthquakes, minor ashfall, at lethal accumulations o expulsions ng volcanic gas. Santi Celario
