Manila, Philippines – Naghain ng mosyon at manipestasyon sa Commission on Elections (COMELEC) si SAGIP Partylist Rep. Rodante Marcoleta upang ihain ang dalawang isyu sa komisyon.
Sa tatlong pahinang Manifestation and Urgent Omnibus Motion, humihingi ng paliwanag si Marcoleta ukol sa natuklasang pagkakadoble at konsolidasyon sa central server ng Comelec ng mahigit sa 5 milyong boto noong Mayo 13.
“The trend was likewise observed as Movant garnered 15,001,038 votes as of 1:32 AM and dropped to 12,244,219 votes at 2:11 AM. Up to around five million votes of discrepancies from 12:23 AM to 4:03 AM of 13 May 2025 were observed from Comelec’s transparency server,” ayon sa mosyon.
Ani Marcoleta, mahalagang maipaliwanag ng Comelec kung paano nadoble ang pagbilang sa boto upang mapanatag aniya ang publiko at mapawi ang pangamba.
“To allay public fear, address public concerns and scrutiny regarding the conduct and sanctity of the local and national elections, Movants respectfully pray that the Honorable Commission place on record a clear and official explanation concerning the duplication of unofficial votes,” giit pa ng mambabatas sa kaniyang mosyon.
Kasabay nito ay hiniling na rin ni Marcoleta sa kaniyang mosyon na magkaroon na ng proklamasyon sa mga nanalong senador dahil nasa 97.23 porsyento na aniya ang nabilang na boto, kung saan ang mambabatas ay nasa pang-anim na puwesto matapos makakuha ng botong 14,895,858.
“Hence, may we respectfully pray that, should this Honorable Commission determine that it is statistically improbable for the rankings of the leading senatorial candidates to be altered based on the official canvass returns, it should consider allowing the early proclamation of the top-ranking Senators whose positions can no longer be reasonably contested.”
Kasama ni Marcoleta sa paghahain ng mosyon, sa pamamagitan ng kanilang abogado, ang kaniyang anak at number 1 nominee ng SAGIP Partylist na si Paolo Henry Marcoleta. (Meliza Maluntag)
