MANILA, Philippines – Itinakda ng Judicial and Bar Council (JBC) ang public interviews para sa mga aplikanteng nais maging Associate Justice ng Supreme Court (SC).
Mababakante ang isang posisyon sa Korte Suprema sa sandaling magretiro si Associate Justice Mario Lopez sa darating na Hunyo 4. Ang proseso ng public interviews ay itinakda mula Hunyo 4 hanggang Hunyo 21.
Ang magiging kapalit ni Lopez ang kauna-unahang appointee ni Pangulong Ferdinand R. Marcos Jr. sa Korte Suprema.
Kabuuang 17 ang naghain ng kanilang interes sa nasabing posisyon, kabilang ang mga mahistrado mula sa Court of Appeals (CA), Sandiganbayan, Court of Tax Appeals (CTA), at mga propesor mula sa akademya.
Kabilang sa mga aplikante mula sa CA ay sina:
-Justice Fernanda Lampas-Peralta (Chairperson, First Division)
-Justice Ramon Bato Jr. (Chairperson, Second Division)
Mula naman sa Sandiganbayan, kabilang sa mga aplikante sina:
-Justice Ronald Moreno (Member, Third Division)
-Justice Karl Miranda (Chairperson, Third Division)
Mula sa Court of Tax Appeals:
-Justice Maria Rowena Modesto-San Pedro
Mula sa akademya at ibang sangay ng pamahalaan:
-Dean Darlene Berberabe (University of the Philippines College of Law)
-SC Court Administrator Raul Villanueva
-Former Ambassador Manuel A.J. Teehankee
-Dean Maria Concepcion Noche (University of Asia and the Pacific College of Law)
-Tax lawyer Maria Rosario De Leon Bernardo
Ayon sa Konstitusyon, kinakailangang makapili ng kapalit ang JBC sa loob ng siyamnapung (90) araw mula sa pagreretiro ng isang mahistrado. Teresa Tavares
