CAMP OLIVAS, Pampanga – Dalawang suspek sa ilegal na droga ang naaresto sa magkahiwalay na buy-bust operation sa Bulacan at Pampanga, kung saan nakumpiska ang shabu na nagkakahalaga ng PHP1.3 milyon.
Noong Mayo 22, naaresto si “Anok,” 44, sa Barangay Panginay, Guiguinto, Bulacan. Siya ay nasa drug watchlist at nakuha mula sa kanya ang 96.42 gramo ng shabu na nagkakahalaga ng PHP665,600, isang .380 caliber na baril, at marked money.
Sa parehong araw, nahuli rin si “Bert,” 40, sa Guagua, Pampanga na may dalang 100 gramo ng shabu na nagkakahalaga ng PHP680,000.
Mahaharap ang dalawa sa kasong paglabag sa Comprehensive Dangerous Drugs Act of 2022. Si “Anok” ay may dagdag na kaso dahil sa paglabag sa gun ban.
Ayon kay PRO-3 chief Brig. Gen. Jean Fajardo, patuloy ang kanilang kampanya kontra ilegal na droga at nananawagan sila ng suporta mula sa publiko. RNT
