Manila, Philippines — Empleyado na pala si Sandro Muhlach sa kanilang family-owned business, ang kilalang Muhlach Ensaymada. Ito ay isang regalo mula sa kanyang lolo na si Alex Muhlach, ama ni Niño Muhlach, ang kanyang tatay.
Bagamat bahagi siya ng pamilyang may dugong artista, hindi business course ang plano ni Sandro kunin sa kolehiyo kundi Film, bilang pagsunod sa kanyang hilig.
Ngunit sa kabila ng kanyang pag-abot ng mga pangarap sa showbiz, dumaan si Sandro sa isang masakit na karanasan. Isang taon na ang nakalipas mula nang maharap niya ang isang trahedya sa Marriott Hotel noong Hulyo 20, 2024.
Sinampahan niya ng kaso ng sexual assault sina Jojo Nones at Dode Cruz, ang mga respondent sa insidente. Bagama’t nais ni Sandro na magbigay ng update sa kaso, kasalukuyan pa rin silang naka-gag order kaya limitado ang maibabahagi niya.
Ngayong darating ang GMA Gala sa Agosto 2 bilang pagdiriwang ng ika-75 anibersaryo ng Kapuso network, tinanong si Sandro kung dadalo siya. Ayon sa kanya, imbitado siya pero nag-iisip pa kung sasali ba sa naturang okasyon.
Sa kabila ng lahat, abala pa rin si Sandro sa kanyang showbiz career, lalo na sa mga motorcade at pista na kanyang nilalahukan. Malinaw na naka-move on na siya, na magandang balita para sa mga tagasuporta at nagmamalasakit sa kanya. Ronnie Carrasco
