MANILA, Philippines – Hinimok ng anti-insurgency task force ng pamahalaan nitong Miyerkules, Hunyo 4, ang Commission on Elections (Comelec) na suspendihin ang proklamasyon ng Kabataan Partylist at buhayin ang disqualification case laban sa Gabriela Partylist.
Para sa National Task Force to End Local Communist Armed Conflict (NTF-ELCAC), dapat na desisyunan ng Comelec ang panawagan sa kabila ng mga patunay na ang partylist groups ay sangkot umano sa armed insurgency at internal abuse.
Anang NTF-ELCAC, si Jhon Isidor “Dee” Supelanas, dating Kabataan spokesperson sa Cebu, ay napatay sa engkwentro sa Kabankalan, Negros Occidental noong Abril.
Sinabi rin ng NTF-ELCAC na batay sa social media posts, public tributes, at sworn testimonies mula sa mga dating cadres, nakita ang “same trajectory” sa mga dating lider ng Gabriela at mga ka-alyadong organisasyon.
“His story is not an isolated tragedy. It is part of a disturbing pattern where youth leaders—starting from legal organizing spaces—end up as armed combatants of the NPA,” pahayag ni NTF-ELCAC Executive Director Undersecretary Ernesto Torres Jr.
Samantala, tinukoy din ni Torres ang pinakahuling report ng alegasyon ng sexual assault sangkot ang mga lider ng Kabataan mula 2023 hanggang 2025.
Aniya, nasa 20 biktima ang lumutang patungkol dito.
“Kabataan’s response was a generic condemnation, carefully avoiding the fact that the abusers were from within their own ranks. This silence perpetuates a culture of impunity,” sinabi ni Torres.
Ipinunto rin niya na ang party-list system “must never become a backdoor for political radicalization, or a shield for abuse.”
Naghain ang NTF-ELCAC ng mga kaso sa Comelec laban sa Kabataan at Gabriela noong 2021 at 2019.
Wala pang tugon ang Kabataan, Gabriela at Comelec patungkol dito. RNT/JGC
