MANILA, Philippines – Pinaigting ng Department of Agriculture (DA) ang pagtugis sa mga livestock farm na nag-ooperate nang walang kaukulang permit.
Sa pahayag, sinabi ni Agriculture Secretary Francisco Tiu Laurel Jr. na nag-isyu na ng show cause orders ang Bureau of Animal Industry (BAI) ng DA sa siyam na pig farms sa Central Luzon. Matatagpuan ang mga ito sa Bulacan, Pampanga, at Tarlac.
Sinabi ni Tiu-Laurel na dapat ipaliwanag ng siyam na farm kung bakit patuloy ang mga ito sa pag-operate “despite bypassing basic health, environmental, and safety regulations.”
Aniya, maaaring mabalewala ang pagsisikap ng pamahalaan na mapabuti ang pork supply at pricing sa mga kakulangang ito.
“As we modernize Philippine agriculture, everyone must understand that unlicensed operations will not be tolerated,” dagdag pa ng opisyal.
“Compliance is not optional—it is fundamental to protecting both consumers and the livelihoods of law-abiding farmers.”
Ani Tiu-Laurel, ang hakbang ay batay sa direktiba ni Pangulong Ferdinand Marcos Jr. na tugisin ang mga hindi rehistradong livestock facilities. RNT/JGC
