MANILA, Philippines- Mahigit P6.7 milyong halaga ng shabu ang nabisto ng mga tauhan ng Bureau of Customs – Ninoy Aquino International Airport (BOC-NAIA) sa isinagawang inspeksyon sa Central Mail Exchange Center (CMEC) sa Pasay City.
Ayon sa BOC, katuwang nila ang Philippine Drug Enforcement Agency (PDEA) at NAIA Inter-Agency Drug Interdiction Task Group (NAIA-IADITG) nang isailalim nila sa inspeksyon ang isang kargamento na idineklara na naglalaman ng “ladies wear and bags” kung saan tumambad sa kanila ang nasa 988.5 gramo ng Methamphetamine Hydrochloride na karaniwang kilala bilang shabu.
Kaugnay nito, itinurn-over naman ang nagsilbing claimant ng nasamsam na kontrabando sa PDEA para sa kasong kriminal dahil sa paglabag sa Republic Act No. 9165 (Comprehensive Dangerous Drugs Act of 2002) at Republic Act No. 10863 (Customs Modernization and Tariff Act).
“We remain steadfast in our mission to safeguard the nation’s borders and protect our communities from the dangers posed by illegal drugs,” ani Customs Commissioner Bienvenido Y. Rubio. JR Reyes
