MANILA, Philippines- Tinitingnan ng Commission on Human Rights (CHR) na tapusin na bago pa matapos ang taon ang years-long investigation sa umano’y extrajudicial killings (EJKs) sa ilalim ng drug war ng administrasyong Duterte.
Sinabi ni CHR Chairman Richard Palpal-Latoc na ang komisyon ay nagsagawa ng motu proprio investigation sa 4,000 kaso ng EJK-related deaths mula 2016 hanggang 2022.
“We investigate these cases to determine human rights violations,” ang sinabi ni Palpa-Latoc sa House QuadComm sa pagpapatuloy ng pagdinig sa extrajudicial killings (EJKs) at illegal drugs.
“Sa ngayon, majority of these cases ay ‘di pa tapos ang investigation because of the lack of cooperation from the PNP to share information regarding the cases,” dagdag na wika nito.
Sinabi pa ni Palpal-Latoc na naranasan ng CHR na ma-deny ang access sa ebidensia sa EJK-related cases. Gayunman, sinabi nito na nagpahayag naman ng kanyang commitment si newly installed PNP Chief Police General Nicolas Torre na makipagtulungan sa CHR probe.
“The Commission has experienced denial on different reasons by the PNP — access to records, police reports, and other pieces of evidence,” ang tinuran pa rin ni Palpal-Latoc.
Ipinakita naman sa data mula sa PNP na 6,000 ang nasawi sa panahon ng operasyon sa ilalim ng war on drugs ng administrasyong Duterte.
“After the hearing, the chief PNP directed all units involved where the human rights is asking for the case folders of all these cases to cooperate, to provide. We already given orders in this regards,” ang sinabi naman ni PNP Directorate for Investigation and Detective Management (DIDM) chief Police Brigadier General Matthew Baccay.
“The directive is already there. Should any of our units refuse, please inform us,” dagdag ni Baccay.
Samantala, hinikayat naman ni Manila 6th District Representative Benny Abante ang pagtutulungan sa pagitan ng dalawang government bodies.
“[Dapat] maging open tayo sa lahat ng ating pag-iimbestiga sapagkat napakatagal ng panahon eh. Pinag-uusapan natin ang alleged EJKs na nangyari from 2016 to 2022. 2025 na ngayon. Three years na ‘yan. Dapat magkaroon na tayo ng closure tungkol dito,” ang sinabi ni Abante. Kris Jose
